المالك الحزين ميلوا بينا

ميلـوا بينـــــــــــــــــــــــــــــــه
يلي شلتوا النعش بالله ميلوا بينه ميلوا بينه
انودع أهلنا وعادة اليرحل يودع أهله بدموعه ومن صورهم يملَ عينه
ميلوا بينه الشوك هزنه الحضن امنه ذيج الحبيبه الحنينه
ميلوا بينه العند امنه وبس نوادعه بجينـه
ميلوا بينه وشدعواكم ولو نظره ولو لمسه نحني بيه اجفوف ادينه
ونتواهب خاف زعلانه علينه
ميلوا بينه وعالمكان البيه ربينه
البيت اهلنه انودع ايامَ وسنينه
ميلوا بينه الحي حبيبتنه الحزينه
بلجي بوسه ازغيره منها
جايز ترد الروح الينا