بكت لنا الارض يومنا توادعنا

يسـري بنـا الليـل لا نـادت مواجعنـا
ويفـرح بنـا الهـم لا مـاتـت امانيـنـا

أغــراب والـحـزن فالـغـربـة يجمـعـنـا
اجسـاد نمـشـي وتتبعـنـا خطاويـنـا

كان الامل فـي ظـلام اليـاس يزرعنـا
ليـن الليالـي تجـي باليـاس تجنينـا

كنـا نعـلـم جــروح الـوقـت توجعـنـا
والـحـزن كـنـا نـنـاديـه وينـاديـنـا

نكتـب: طريـق المـوادع مـا يرجعنـا
نقـرا: طـريـق الـمـوادع مــا يوديـنـا

نبعد عن الهم نلقـى الهـم يتبعنـا
من وين ما نبعـد نلاقـي همنـا فينـا

كنا وهالحين (كنـا) وش بتنفعنـا
نادى الرحيل وسـرق دربـه خطاوينـا

رحنـا ورى الحـب لـيـن الـحـب ضيعـنـا
مـدري نسيـنـا الـزمـن ولا تناسيـنـا

الـيـن عشـنـا بــلا صــورة ولا مـعـنـى
ارواح تـشـبـه لـنــا ظـلـمـة ليالـيـنـا

عـلـى كـثـر مــا حلمـنـا مـــا توقـعـنـا
ينسى الزمن كيف كنا يوم حبينـا

واليـوم مـا عـاد باقـي شـي يجمعـنـا
إلا الـوجـع والضـيـاع وحــزن ماضـيـنـا

شكرا لإحساسنا اللـي كـان يخدعنـا
شكرا لوقت(ن) خذانا قبل يعطينـا

شكرا لعمر(ن) تركنا قبل يسمعنا
شـكـرا لأيامـنـا الـلـي جــت توصيـنـا

شـكـرا لأحلامـنـا الـلـي وقـفـت معـنـا
شـكـرا لأحزانـنـا شـكــرا لأغانـيـنـا

بـكـت لـنـا الارض يـومـنـا تـوادعـنـا
لأن الارض احضنـتـنـا يــــوم حـبـيـنـا


تحيــــــاتي