ابوذية

اجتي الورقة يمج گلبيهة
دشوفي شمكتوب بيهة گلبيهة
انة گلبي ا لچ طاوة گلي بيهة
اشعلي النار حيل وزيدي بية
][][الحزين على بلدي][][

يالخزرت عيونك طير شاهين
عليك الروح والدلال شاهين
جمالك زاد فوك الهام شاهين
ونبيله عبيد تاخذلك تحيه

كلب صافي لون تهوى كلبنا
وابد ما يوم عالصاحب كلبنا
احنا اضلوع الك وانت كلبنا
ونحافظ القلب من كل اذيه

سحبت اقسام توني اريد اصلي
على الي خان المحبة ونكر اصلي
وللك لا تشرب الببسي الى اصلي
لئن كلة صبغ ومخبوط مية

أمفارگ وليالي سنين.........مَرن
وعليه صاير لذيذ الزاد ........مُرن
طفر گلبي على النقال ........من رنً
لان حسبت روحي آدگ عليه

هوى الشوك الاجه منك ..... منعصار
ونخب حبك يموتني ..... منعصار
على كلبي احس منك ..... منع صار
وحظر تجوال سويته عليه

الضيم الشافة وكتك وكتي شافه
گلبي الوكع يمك ولك تشافه
ذبحنه نيتون هذا باكتشافه
واين بعيونه شفت الجاذبية

شفت سمرة وسيعة عين يمنة
تدير العين يسرة انوب يمنة
واتمنى تجي كل يوم يمنة
وكلها الصار والما صار بية

طبع اليحفر بصحراء يعراك
ومن طبع الشجر بالارض يعراك
ومن طبع العراقي يصيح يعراك
الك اهدي العمر فدوة وهدية

احلفت مبچي على افراكك ولا نوح
وبعد ماردد بأسمك ولانوح
يوسف ما ابتلى مثلي ولانوح
ولايعقوب مر مثلي بأذيه

هاية خاصة لكل عراقي شريف بدون طائفية
گلبي ياوطن حبك والك راد
ومل من كثرة فرا گك والك راد
احب الشيعه والسنه والاكراد
وحبك ياوطن واجب عليه

اشتخصرلوفردساعه تمرنه
انشربك شاي ونوكلك تمرنه
خدم نوكف لون انته تمرنه
ونخدمك يا ابو ذات الوفيه

احبك واعتذر منك وناسف
جمال ابروحك امغربل وناسف
احط ابروحي تي ان تي وناسف
وافجر روحي اذا تزعل علية

حبيبي ليش عني تصد وتميل
وردت وياك اكضي العمر ولا تمل
لاون ادري عشرتك شهر وتمل
فلا والله جعلتك ولف لية

الدنيه وياي زعلان وردها
وهواها للنذل يزهي وردها
كلمااريد ارجعها وريدها
جفتني ولاتريد اترد عليه

كتلنى ليبس مخطط ...وسادة
وهلك من نسل طيب...وسادة
انا طول الليل افكر...على الوسادة
افكر بيك يل الماتفكر بية

لاصديق رحم بيه ولابن
وعلية جروح هاجن ولابن
لادنهل دخنت انه ولا بن
لان بس الميامي تلوك اليه

حديقة بعلم رب الكون ظليت
وعن درب العلم ياناس ظليت
شجرة وبس على العاوين ظليت
صرت سايق مخدة وجودلية

صار سنين عن عشكي مسائل
ودمعي من نزل عنك مسائل
حبك موكتابه وحل مسائل
حبك بالدراسه الجامعيه

حبك ربطني وعمره منحل
مثل اللغزحاولت احله منحل
نحله واذبلك عسل من غير منحل
يلي انت احلى من العسل والسمسميه

وشكرا تحياتي][][الحزين على بلدي][][

عاشوووووووووو عاشووووووووووو يخبلن