منتديات العراق الحر
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

اكبر مجموعة ابوذيات

3 مشترك

اذهب الى الأسفل

توقيت غرينتش + 8 ساعات اكبر مجموعة ابوذيات

مُساهمة من طرف R* Maher 2008-02-22, 8:23 am

بعدكم ياهلي للكلب مرمر
عيلكم انشداشما اشوف مرمر
ليش كلوبكم من صخر مرمر
تعوفوني ابغربتي ابلا وصيه
-------------------------------
وحق اللي اذا ماشاء هادي
ابمحبتك ذايب وللگلب هادي
انه دوم طبعي اوياك هادي
وانته شما تمر مغضب عليه
------------------------------
شهد حبك يا ابو اليمه حسيناه (شربناه )
مصابك گطع احشانه حسيناه (احسسنا به )
ابد والله ما ننسا حسيناه
يظل هل صوت لنفاس المنيه
----------------------------
ليالي السود حتى اسمي محنه
بسبب دهري علي اردف محنه
حبيبي شبيك ماعندك محنه
ولك بس بالنفاه اتمر علية
--------------------------------
زمـانــي عگـب عينك سلمتني
او راحـــات النــوايب سلمتني
رحــت عــدمن يـبويه سلمتني
يــتــيمه ويـا شهم وصيت بيه
-------------------------------
بغيت أصفج اليسرة فوق يمنة ( المعنى هنا: اليد اليمنى)
عقب عباس من للقلب يمنة ( المعنى هنا : القلب الذي يأمن)
أمس جانوا ليوث الحرب يمنة ( المعنى هنا : بالقرب منا )
و اليوم مطرحة فوق الوطية
--------------------------
وجرة
مهو لجل الثواب ابجيت وجرة ( المعنى هنا : أسلت الدمع )
لجن نارة بصميم القلب وجرة ( المعنى هنا : ملتهبة )
مصاب حسين أبد ما صار و جرة ( المعنى هنا : و حصل )
فرض كل عام ننصبلة عزية
-------------------
ابد ما اصطبيلــك .............. وانتبهلك
واحذر حيل مني ............. وانتبه لك
انة بأهلي ازامط ............. وانتة بهلك
واذا اهلك زلم هدهم علية
-------------------------------
يحيدر في الحمى خذني وخلني
شكثر لفراق هدّ حيلي وخلني
دخيلك دز إلي طارش وخلني
اكنس حضرتك صبح ومسيه
-------------------------
علامات الكبر بانن ... ولاحن
وسفيه المـَـنـْـكــِسَر كَلبه .. ولاحن
انه شمااحن على الصاحب .. ولاحن
أحن اعليه شما صار بيه
-----------------------
كافي غيم يادنية وشملي
علة صدري طبعت اسمك وشم لي
نخيت الله يلم شملك وشملي
بجاه حسين والزهرة الزجية
------------------------
يل ما خلفت مثلك مكة ولا مدينة
ولعلم النبي صرت باب المدينة
ومن ضرب مرحب علا اسم الله ودينة
حبك الله ورسولة وكل الحيدرية
------------------------------
اريد اعتب على كلمن وشالك
اشوفن ياهو اليجي حطك و شالك
عفت اهلي انا و جلبت بواشلك
طحت و كثرن سجاجينك علية
---------------------------------
ياريت بمحرم علي ينهدم داري
انا ضليت طول العمر لجرحي اداري
ياريتك بحالتي تعلم يامن بحالتي داري
انا قلبي انفطر من ذيج الرزية
----------------------------
و لا مرّه زماني شفت عدله
ركبني او حط عليه النوب عدله
عفيه اشلون روحي اوبكَت عدله
او تفلّحني الونين وكرب بيّه
------------------------
انا طحت مكسور الظهر واناشد
اثاري حبل الوصل مكطوع واناشد
تذكر ايامي الجنتلك بيهه اناشد
خذلتني وظحكت الوادم عليه
---------------------------
نص اعليل نص الكَلب .... سالـم
تصيح اعضاي بس الكَشر .... سالـم
كله ايهون بس افلان .... سالــم
بروحي افديك يلمبعد علية
-----------------------
بكيت ابحث على الطيبين وانشـــــــــــــــــــــد
حملنه مال كوم انعدل وانشـــــــــــــــــــــــــد
وسافه كبور كمنه انحظر واشـــــــــــــــــــــــد
وعزاكم هليظل ساري عليه
--------------------------
انا شيعي وعليه الوم يركــــــب
سيرن حيل لرض الغري يركـــب
واليوالي ابو الحسنين ابسفينة نوح يركب
ينجه من الغرق وهي الهنيه
-----------------------
تحن الروح لد ياري وهامـــــــات
وعلينه غارت الدنيا وهامـــــــات
اشكثر توج الوكت كسر وهامــات
تريد انت تفوز ابهلدنيه
---------------------
خلي الكرم لهل الكرم حسنها
عنده الكرم و الجود احسنها
عنده هيبه من النبي حسنها
جده النبي وابن الوصي ومه الزهره الزجيه
----------------------
يمن بعد النبي الك اعضم منزلة
علي اسمك وعليك الله منزلة
بسمك عمر قلب الشيعي و منزلة
واليتك وانا على سيف المنية
----------------------
طحت مكسور واناشد
طلع حبل الوصل مقطوع و اناشد
تذكر ايامي لجنتلك بيها اناشد
طحت و كثرت سجاجينك عليه
-------------------------
اشوفن ياهو الاجا حطك وشالك
دقلي ياهوالعدو الي وشالك
عفت اهلي انا و جلبت بوشالك
انشدك اشو متجاوب علية
---------------------
عجب ثوب الصبر لا عتك ...... لاباد
ويظل حظي بزويه اهناك ....... لابد
عَلَي حتّم زماني فرض ........ لابُد
أحب شامت ومِدله اثنين اديه
--------------------------
الكم اطيب تحيه وسلامي ومرحب
وهلا بالبيت اللي لنا ثاني ومرحب
يبارك لكم حيدر امامي الجتل مرحب
وآجاركم اعله هذا العمل ياشيعه جعفريه
-----------------------
ابكلبي مأتمك يحسين .... ينصاب
او ذكرك من يمر الدمع .... ينصاب
كلبي دون كلبك ريت .... ينصاب
او خدي دون خدك عالوطيه
----------------
مو لجل الثواب ابجيت ....وجره
لجن نار ابصميم الكلب .... وجره
مصاب احسين ابد ما صار .... وجره
فرض كل يوم ننصبله عزيه
------------------------
علي ياعلي غيرك اشكي له الحال مالي
وصفكـَ ايديني بالحسره والشوكـَ مادريت مالي
يوم الحشر لاينفع لاولد وله مال لي
ينفعني سيف الله بس ونبيه
-----------------------
اشكثر دمعات تنزف عله شوفتك وصحنه
وبهالحفل كَلنه ياريت نوصل يم ضريحه وصحنه
هالليله بمولدك هتفنه وصحنه
نريد زيارتك قبل لاتقطعنه المنيه
-----------------------
ذبحنه الشوكـَ ياحيدر وحف النه
وظلم اسرائيل والأمريكان بعدنه عنك وحف النه
وبفرحنا ننصب الليله حفلنه
ونقدم اجمل التهاني السيد البريه
-----------------------
و هناك يا شيعي بالولاية اسعد
و هناك اثبت لا عليك يغلب
و هناك موالي أنت ثنعش معصوم
و هناك يسقسك الوصي من العذب ميه
---------------------------
سنيني انكضت بس بالشوق والهم
وازرع بالصبر جمدوب والهم
عليهم ذابت الجفنين والهم
شكثر مسكين قلبي وهم خطيه
-----------------------
اصبر والصبر زايد لهاماي
تشب النار من جدمي لهاماي
يا من يترس الجربه لها ماي
يطفيها كبل لتعم علي
------------------
ولا مّره زماني شفت عدله
ركبني او حط عليّه النوب عدله
عفيه اشلون روحي او بكت عدله
او تفلّحني الونين او كرب بيّه
-------------------
نغك كركي بتالي الليل بطران
يذكرني بزماني من جنت بطران
انا اليسمع ونيني يكول بطران
ترى حزني على فراك الحبايب
--------------------------
غير الوطن ما مش بعد سلونه
انشد عدونه يلمحب سلونه
من سابج اللي كابلك سلونه
ينبيك عن الخفى من اجساد اولاد حامي الحميه
---------------------
كلبي بغيرك يلوطن ما يلهه
انته الذي دوم اعدلت مايلهه
الناس من تلهج شرب مايلهه
و نته شربت امن العده دم للوطيه
-------------------
يخي لتلوم عقلي هيمني
عميت او عيب اوجد هيمني
و حق الله النوايب هيمني
خذن مني العزيز او قسن بيه
-------------------
احباب اللي نودهــــم مارادونا
جفونا ومن جفاهـــــم ماردونا
صرت كوره والشايت مارادونا
وبعد ياقولجي يلحق عليه
-------------------
علي للاسلام جفك دوم يعلاه
وصوتك ما أبد كل صوت يعلاه
اليلوم بحب علي الكرار يعلاه
مهنه بحب يزيد وال اميه
------------------
علي للضيم كص جفه ولايه
وكل مؤمن علي انته ولايه
الك منصب من الباري ولايه
شهد بيها الغدير والف ميه
-------------------
قلبي ابعلي بوبه سالمني
لو ان اجله الصواري سالمني
و حكه لو ان دمي سالمني
يخط اسم الصميدع عالوطيه
-------------------
علي ماينوصف شخصك محاله
وجم كافر علي سيفك محاله
حبك بالقلب ثابت محاله
رضعته وي حليب امي الوفية
----------------
ياكاظم شوف هالمكتوب وصله
انـا ماجـوز من قـربــه ووصـلـه
ياقـلـبـي قطعه ســــتين وصله
ولـو ما ماعـاد عادتـني المنـيه
-----------------
مراكب خيلنه وبالنصر طفنه
من دور المهد ننتظر طفنه
انصار ونحج يحسين طفنه
ابكعبتك يا ذبيح الغاضرية
-----------------
بعدهيهات مر الفرح بسماي
وعليَ يومي الحزن ويصيح بسماي
جنحان المصيبة اتحوم بسماي
اثاري انفكد حماي الحميه
--------------------
اريد الطم واسوي اللطم بلوان
عليه ويصب دمع العين بلوان
انه اللي عليه اطبكن بلوان
شيبي والهوى محرب عليه
------------------------
حبيب الروح شال امصابه شماله
يمـيـنه كـنـت خـلانـي شــماله
يجـوز الهـجـر لفــواده شــماله
حبيب الروح مايســــــال عليه
----------------------
لاحوه بجت مثلي ولادم
على الاصله انكطع مني ولا دم
لامده دمع عيني ولادم
لجن كلبي يفور وعلك ميه
---------------------
احباب الـروح بالفرقاء جـنوبي
وعليهم كســـر افوادي جنوبي
ال سـباني لا شمالي لا جنوبي
من العشـــــــــــار والعله خفيه
------------------
بتاج الفرح ولــفي توجاني
وحسن ردلي شبابي توجاني
من اثمار المحــبة توجاني
كلبي الشبع ضيم مـن الاذية
---------------------
طبيي ماتجس نبضي شــــمالـــي
غدت يمناي ما توصل شــمالـــي
انه الحنت العذيبي شـــمــالــــــي
صرت شرجي وعلى الوادم اذيـه
-------------------
حمامة الفرت من ايدي ولاجت
وعليها الروح تتعـذب ولاجت
من امس لليوم لاحطت ولاجت
ولا الها جدم بــرض الوطيه
---------------------
وحكَـ المرتضى إيمامك وإما ماي
عبيط الدمع لفراكَك وما ماي
هوه الناكَه لفة خلفي وما ماي
الهوة مدري لوين ايريد بيه
-----------------------
اريد اعبر بحــر دمعي وفيه
وعليج اكطع الــف فيه وفيه
ابشمس حبج انه معذب وفيه
وما عندج وفه واسـمج وفيه
----------------------
زماني جرد اســيوفه وسنهه
عليه اوحرمــت عيني وسنهه
وحق اللي فرض خمسه وسنهه
بعد هيهات عيـش ايصير اليه
---------------------
مرة اصفن علـيكم مرة سايل
مرة الدمع ناشــف مرة سايل
مرة احتار شكتب من رسايل
مرة انتظر ســــاعات المنية
---------------------
قلبي ملكته و انته حربيه
عليل و طبه عندك و انته حربيه
كافي السم اجرعه و انتحربيه
و لا غيرك يمس اطراف ايديه
---------------------
نفوس اهل الضغاين من فتاها
وفــتوات الملاحـــم مــن فتاها
أنـــشـــدك عن الامه من فتاها
ويـــا هــو الرفع رايتها العليه
----------------------
الصديق اللي نشوفه نقي ونظيف
نود كل يوم نبدي اعليه ونضيف
على طيبه نجمل طيب ونضيف
بكثر معنى الحـروف الابجديه
-----------------------
أهل هل وكت بالك تمن بيهم
إدنان وعيب يحصل تمن بيهم
ثلاث من الخصايل تمن بيهم
الجذب والفتن والشوفة الردية
---------------------
كل مغرم برت علته و ناله
سعيد اللي حضه ابشخصك و ناله
الطارش من سمع نوحي وناله
ترك شغله و بجه رحمه عليه
----------------
حزني عليك مايبطل وناحي
اسب اللامني بودك ونا حاي
تبات الناس مستوره ونا حاي
ليلي والنجم يشهد عليه
----------------
يصاحب لو تشوف اشلون كتماي
على عيوني ويسح الدمع كتماي
اشما اقل للروح سر الهوه كتماي
تحن وتهيج الساكن عليه
----------------
نحيل الجسم بودادك وداراك
عجيبه الغيرك عني وداراك
أحلف ما أصل بابك وداراك
ولاقولن جنت صاحب إليه
----------------
من مثلي دمع عيني يهلهه
سبب غالب على روحي يهلهه
وعلي تحيولكم ميت يهلهه
من تبدي ترد الروح اليه
----------------
فرض حبكم مثل صومي وصلاتي
ابخدامتكم يصح صومي وصلاتي
ازف شوقي وتحياتي وصلاتي
الى الظامي غريب الغاضرية
----------------
ابوادي كربلا عزنة وسعدنا
نشم منها مسك قبره وسعدنا
انا عبد اليواسينا وسعدنا
وعاضدنا على حمل الرزية
----------------
ابوادي كربلا رفرف علمنا
على رغم العدى شايع علمنا
من الهادي نبي الامه علمنا
الجنة مخصصة للجعفرية
----------------
يزاير لك بشارة ابعث وهادي
الك ناصر نبي الامه وهادي
الزهرة بالحشر تشفع وهاذي
كرامه من غريب الغاضرية
----------------
علي حكم الفلك بيدك وامرة
واحلى امن الشهد ذكرك وامرا
الك نص الرسالة من الله وامرة
انكرت والعدى خانوا الوصية
---------------------
أحبابي اشلـون حــالتــكم بعدنا
اشبدينا والوقـــت عنـــكم بعدنا
إذا انتم نسيتونا ترى احنا بعدنا
أبذكركم كل صباح وابكل مسيه
---------------------
مرة اصفن علـيكم مرة سايل
مرة الدمع ناشــف مرة سايل
مرة احتار شكتب من رسايل
مرة انتظر ســــاعات المنية
------------------------
اجزعت من الصبر روحي وملت
اهموم احصدت بالدنيا وملت
بنيران الفضا اتجوت وملت
الجزع صاحت من الهم والاذيه
----------------------
رشيق الطول قال ابشعر صفنه
و طولك بالشعر محتاج صفنه
ابجمالك من تجي و تصير صفنا
صفر ناخذ و يطوك ميه
------------------
قسيت اوياك يا سمر عمي انه
و ريت العين عقبك عمي انه
اذا خالــــــــــك فزعلك عمي انه
تــــــــــــــــــــــــــــــــــبرى و ضحــــــــــك الوادم عليه
--------------------------
عايش مختلي ابحالي و خالي
و اشوف اهواي بعيوني و خالي
عمي ذ ب جمرة و خــــــــالي
جـــــــاب امهفته و هفا عليـــــــــــــه
----------------------
رمزنا الخير و الطيبه علمنا
و ادبنا ايزود جه زايد علمنا
الف رحمه اعلى ابونا و علمنا
سقونا اخلاق و صارت هويه
----------------------
عدل و الله عدل ممشانا ما زلت خطانا
و صاب العدى سهم الذل خطانا
صحيح و قوة على الشامت خطانا
و نظل تيجان على راس اهل البليه
-------------------
شل عظمي افراكك حيل و ارضاه
بلادي و شغلى من هالوطن و ارضاه
ابخبز تنورنا وياك و رضاه
و لا ذلة الغربه تمن عليه
------------------
حبيبي اعليك شنو اللي جرى شطرة
القلب نصين ليش اتزيد شطرة
اذا يصعب درب بغداد شطرة
اجيك اعلى السماوة امشي اعلى ايديه
-----------------------
كبر بيت العراق و انه ذرة
و غبارة كحل بالعين ذرة
عزيز اترابه عدنا و لاجل ذرة
نضحي ابمالنه و دمنا سويه
----------------------
ليالي الضيم روحي من رسنها
الاصيله انته تعرفها من رسنها
اسيوفنا اسيوف ما اغمدتها من رسنها
عراقي و غيرتي ما تخون بيه
R* Maher
R* Maher
Admin
Admin

ذكر
عدد الرسائل : 663
العمر : 36
تاريخ التسجيل : 26/12/2007

https://swamrra.ahlamontada.com

الرجوع الى أعلى الصفحة اذهب الى الأسفل

توقيت غرينتش + 8 ساعات رد: اكبر مجموعة ابوذيات

مُساهمة من طرف R* Maher 2008-02-22, 8:24 am

وحك من سمه اسمه حسين وسره
وجك من نزل القراءن وسره
عشكت حسين والعباس وسره
وفرح من الوذ باهل الحميه
----------------------------------------
وحيد انه وعليه الكوم ظليت
وعلى اوساد المنيه اليوم ظليت
وعافوني الصحابه هنا وظليت
وصدك اليوم عهدك ظل اليه
-----------------------------------------
صوبني العزيز وصاب دلالي
من صغر العمر وماطاب دلالي
وعشكت الناس بروحي ودلالي
ويفرح من يجي الطيب عليه
-----------------------------------------
اشد احزام فوك حزام ونشيد
على العزيز الراح من صار هواي ونشد
وغديت اركض على العربان ونشد
وكله من وراك الصار بيه
----------------------------------------------------
ليت الكلب كبل العين ينسال
لاجل حبك يا حلو هل ناس تنسال
وغديت انمه هسه هواي انسال
وصبحت انته الدليل شلون بيه
-------------------------------------------
عشت ليلي ونهاري هواي ولهان
ولشوفتك ياروح تلكاني ولهان
وعشت عمري انه وي الناس ولهان
وعفت دنيان من غبتم عليه
------------------------------------
نظرتك يا حلو اكبالي وهاجت
روحي من العشك فرت وهاجت
وكلوب انسحنت عليكم وهاجت
وفلك طرك يمن تظحك عليه
-------------------------------------
عراقي وللشهامه يريد عناي
وتعنتكم يحبي الناس عناي
وخطبتك بالنيابه هواي عناي
اذن انته الغشيم ومو بديه
--------------------------------------
العراق يريد خير من يعينه
على دمار الجرف بيهم من يعينه
وطاح بين شماته ومن يعينه
وخلي ايدك بديه وخن نعينه
----------------------------------------
وكفتك وياي بالفرح تنشاد
الك وسط الكلب تمثال ينشاد
ومالكيت هواي من هل ناس تنشاد
اذن انته الصحيح وهاي هيه
R* Maher
R* Maher
Admin
Admin

ذكر
عدد الرسائل : 663
العمر : 36
تاريخ التسجيل : 26/12/2007

https://swamrra.ahlamontada.com

الرجوع الى أعلى الصفحة اذهب الى الأسفل

توقيت غرينتش + 8 ساعات رد: اكبر مجموعة ابوذيات

مُساهمة من طرف R* Maher 2008-02-22, 8:32 am

حبك شامه بخدودي ودكه...
واحط بالكلب بسمارك وادكه...
شكم دكه شفت منك ودكه...
ورغم كل هذه حبك مو بديه
*********************
اسمك اغنيه بشفتي وردبي...
وخدك مشتل وخضّر الورد بي...
اروح بدرب مدرستك وردبي...
اشوفك ردت اني وهاي هيه
*********************
احلفت مبجي على فراكك ولانوح...
وبعد مااردد بأسمك ولانوح...
يوسف ما ابتلى مثلي ولانوح...
ولا يعقوب مر مثلي بأذيه
********************
اشتخصر لو فرد ساعه تمرنه...
انشربك جاي ونوكلك تمرنه...
خدم نوكف لو انته تمرنه...
ونخدمك يا ابو ذات الوفيه
*******************
احبك واعتذر منك واناسف...
جمال بروحك امغربل وناسف...
احط بروحي تي ان تي وناسف
وافجر روحي اذا تزعل عليه
********************
خلصت عمري بالتوسل وداري...
وانا العالم بحالتــــــــكم وداري...
ضعت وتيهت ولفي وداري...
وبقت نفسي يويلي تلوم بيه
******************
يجي بفكري وخيالي واكوله ولي عني...
تره بيــــه مصايب ولعني...
انه احجيلك عليه وله عني...
لوسكته اخليها القضيه
******************
ياروحي التحبينه ولج مات...
شبعتي جروح من حبه ولجمات...
مامات الكلب بس لاجلج ولج مات...
شهيد ويحق لطمج عليه
R* Maher
R* Maher
Admin
Admin

ذكر
عدد الرسائل : 663
العمر : 36
تاريخ التسجيل : 26/12/2007

https://swamrra.ahlamontada.com

الرجوع الى أعلى الصفحة اذهب الى الأسفل

توقيت غرينتش + 8 ساعات رد: اكبر مجموعة ابوذيات

مُساهمة من طرف R* Maher 2008-02-22, 8:36 am



هنجل كلبي من شافك .......... ودرباك
وحرت شلون اعلمنــــك ......... ودرباك
كضيتة زحوف شارعكم .......... ودرباك
زلغت الركب وعكوس ادية

.............................

العشك يهديب عمري ........... كلفاني
وحبنة بغير حبكـــــم .......... كلة فاني
سهمك من رميتــــة .......... كل لفاني
شك صدري وجزاني ورد علية

.........................

حبيبي انة منــــــــك ......... ونتة مني
وحس كلمن يون لك ........ ونتة مني
اجت احزان دهــــرك ........ وانتمن لي
وصرت يفلان مأوى لكل رزية

......................

شكثر انة احسب لجيتك ........ وعدلك
وسهرت الليل اتانـــــــي ........ وعدلك
اريدن بيدي اعوجنــــــك ........ وعدلك
وعدلك لو متت مابين ادية

........................

ابد ما اصطبيلــك .............. وانتبهلك
واحذر حيل مني ............. وانتبه لك
انة بأهلي ازامط ............. وانتة بهلك
واذا اهلك زلم هدهم علية

........................

الاحبة روحي بروحة .......... مذابة
زعل وياي لـــو ادري .......... مذابه
ذبني بلا سبب وانة .......... مذابه
هجرني وصاح حبك بس اذية

.......................

عليكم من سلام الله .......... ورحمة
وحن عالكلب مــــــرة .......... ورحمة
اذا رايد اجر انــــــــــت ......... ورحمة
تعال انطيني بوسة وحن علية

......................

اجيك بلهفة اتعنة ............. وهملك
ولتضن يوم املنك ............. وهملك
اذا ضنيت متأكـــد ............. وهم لك
لان ميصح متوهم صافي نية

.........................

كلمن كال سوف اعمل ........ وسبني
جنة بحجية شتمنـــي ........ وسبني
اكلة من الوطن اطلــع ........ وسبني
انة ابني الوطن بثنين ادية

........................

الفكر من عقلي طار .......... شتمني
وعليك الما يشتمـــن .......... شتمني
بعد هالذل يروحــــــي ......... شتمني
تمنيت روحي تاخذها المنية

.......................

طبع اليحفر بصحـــــــــراء ........ يعراك
ومن طبع الشجر بالطين ........ يعراك
ومن طبع العراقي يصيح ......... يعراك
الك يغدي العمر فدوة وهدية

.........................

عطشان علة جرفك ليش ........ يماي
كل خصلة منكظهة تصيح ........ يماي
بعيد ابعد بعد لا تلفــــــي ........ يماي
اذا تلفي اشك ثوب العلية

..........................

بحجيك ليش بس وياي ........ شطيت
نطيتك دمع عيني تكول ....... شطيت
انة بدمع العيون اشطوط ....... شطيت
وصب دجلة وفرات بين ادية

..........................

الجميلة عليك لو مـــــــرت ....... قف لهة
قصيدة عشك من تمشي ....... قفلهة
احلفك كون من توصــــــل ....... قفلهة
تقفلهة بالف سركي علية

........................

بت كلبي انكطع بلتك ....... وبتكم
ردت اندلة شارعكـــم ....... وبتكم
واجي خطاب لبتكـــم ....... وبتكم
غصبن عالعشيرة اخذهة الية

.........................

الحب بحجر سجيــــــــل ...... رجماي
ودمع لجفن فوك الوجن ...... رجماي
حبيبي لو طلب فد يوم ...... رجماي ( رقماي )
نطيتة الرقم والهاتف سوية

.......................

زوج طيور حبنة صفــــــن ......... بس تك
وصرنة للشماتة علـــــج ......... بستك
ما ادري شجاني وكمت ........ بستك
اعذرني عالجرالك مو بدية

........................

يحلوة عيوني انتي ......... ونتي رمشي
لتزعليني منــــــج .......... ونه ترة امشي
راح انطيج رقمــــي ......... ونتي رمشي
بس يرمش اتصل مية بالمية

............................

احبج حب جنــــــون ......... موطبيعي
وبطلي ابييع ثكلـــج ........ موطة بيعي
طبع الشهم طبعــي ....... موطبيعي
اغدر وانثني بسابع ثنية

...........................

صرت للدهر صكلـــــة ....... ونتة لاكة
وفرح مالاك اليــــــــــة ...... ونتة لاكة
يريت الوكت يفتـــــــر ........ ونتلاكة
احضنك والحضن موساد الية

...........................

العشك كاروكة يامة ............. لولة بية
وفرني شلون فـــرة ............. لولبية
احبهة وحبها خلـــة ............. لولة بية
ارجف لون طاري الحب مر علية

.........................
الك طوبة الليالي ........... ناولني
وعلى هجرك أأكد .......... ناوي لني
اذا يس ترضة ذلي ......... ناو لني
وما ارضة اذا حبك اذية

........................

ورد قداح اهديلــــــــــك ......... وجوري
وريدن ضيمي احجيلك ......... وجوري
موجر والعشك كمـــــل ......... وجوري
وشبه بركان حبك صار بية
R* Maher
R* Maher
Admin
Admin

ذكر
عدد الرسائل : 663
العمر : 36
تاريخ التسجيل : 26/12/2007

https://swamrra.ahlamontada.com

الرجوع الى أعلى الصفحة اذهب الى الأسفل

توقيت غرينتش + 8 ساعات رد: اكبر مجموعة ابوذيات

مُساهمة من طرف R* Maher 2008-02-22, 8:40 am

مصاب حسين للعالم واهلها

وأنا دمعتي أسكبها وأهلها

لجل امخدرة حيدر وأهلها

رمية امقطعة فوق الوطية

______________________

غدت بلواك ياعباس بلواي

يعزي حيرتني اليوم بلواي

اصيح بويل يا عباس بل واي

بعد فرقاك يا حامي الحمية

__________________________

وحق الكانوا للعالم وسايل

دموع العين عالوحنه وسايل

اريد الكربلة امشي وأسايل

عن المذبوح بارض الغاضرية

__________________________

يحي المصطفى وآله واسمهم

اله الكون عالعالم وسمهم

يوسفه الدهر قتلهم وسمهم

على ايدي بني العباس وامية

____________________

حراير كلها في صيحه وحنه

يتامه تريد امراعه وحنه

وواليها على الغبرى وحنه

شعر شيبه من ادمومه الزكية

______________________

بعدكم يخوتي الطاغي ولانه

حبال القيد ما ارخاه ولانه

على السجاد يا اخوتي ولانه

غفت عينه ولا عيني سويه

______________________

طيف ابليل ازعجني اوعاني

حرت ما نام في ليلي واعاني

وانا لدياركم وافد وعاني

يهل بيت الحما حنوا عليه

__________________

تقلد صارمه العباس ولامه

وتلاقى البن سعد خزه ولامه

يوسفه مااهتنه بزاد ولا مه

فرد ساعه ولن جسمه رميه

_____________________

سبطين الهدى زايد علمهم

على الاكوان يرفرف علمهم

اشوف اليوم دمعتهم على امهم

على الوجنات مسكوبه وجرية
R* Maher
R* Maher
Admin
Admin

ذكر
عدد الرسائل : 663
العمر : 36
تاريخ التسجيل : 26/12/2007

https://swamrra.ahlamontada.com

الرجوع الى أعلى الصفحة اذهب الى الأسفل

توقيت غرينتش + 8 ساعات رد: اكبر مجموعة ابوذيات

مُساهمة من طرف حورية 2008-02-22, 2:54 pm

مجموعـــــــــــــــــــــــه روعه
عاشت ايدك ماهرعلى الابوذيات الروعه
كولهن حلوات ردت اختار واحد لكيتهن وحده احلى من الي وراها
وتقبل مشاركتي
حورية
حورية
مدير منتديات العراق الحر
مدير منتديات العراق الحر

انثى
عدد الرسائل : 682
العمر : 38
العمل/الترفيه : طالبه
تاريخ التسجيل : 30/12/2007

الرجوع الى أعلى الصفحة اذهب الى الأسفل

توقيت غرينتش + 8 ساعات رد: اكبر مجموعة ابوذيات

مُساهمة من طرف ali 2011-10-08, 10:57 pm

thanks
ali
ali
عضو جديد
عضو جديد

ذكر
عدد الرسائل : 1
تاريخ التسجيل : 08/10/2011

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى