* دارميات *

من طرف **R* Maher** 2008-02-16, 8:49 pm

تلهط تلم افلوس ... اشكَد رايد اتعيش
هوالجفن بيه جيب ... مثل الدشاديش .؟؟ !!!{أي الكفن}
********
التمّن اعلى هواك ... اتلاثه وثنين
هم وحزن وافراك ... والغربه والدينَ
********
التمّن الحسبات ... لكه اعلى لكه
حسبه بجكَاره اتهون ... حسبه اله تكه . !!!
********
كَلبي يريد اليوم ... يخدم وليفه
مو عبد لويرضون ... اقبل وصيفه . !!!

********
البالبحر غركَان ... ويمدلك ايده
انت افتهم مولاي ... شنهو اليريده ..؟؟؟
********
شحجي وشخبرالناس ... من ضيمي شحجي
مختنك بالعبرات ... بس احجي ابجي ... !!!

من كَلبي اكَص وانطيك ... لومسك الجوع
ولوماتصح اشياش ... شيش بالضلوع ...
*********
ارد اسأل العشاكَ ... من مثلي مشتاكَ
بحضني غافي هواي ... وابجي من الفراكَ...!!
********

بيه وكَلت بريش ...سهمك ولاهم .!!!
بس شرد اكَل للناس ...لوشافو الدم ..؟؟؟

سر وابتلي من احجيه ... ومن اسكت ايشيع

حصتي وعلي تنباع ... والشامت ايبيع ... !!!!

قال شخص الى صديق له يعاتبه فقال :

س: سكَف البنيتة وياك ... كل ضني يعمّر
بعده المطر ما طاح ... بس غيمت خّر ...؟؟؟

فأجابه قائلا ً :

ج: سكَف البنيتة وياك ... باقي بمجانه
ماخر يبعد الروح ... بس خر زمانه ...!!!

قال شخص وهو مديون وتقرض مبلغ اخر كي يسدد الاول وسرق المبلغ قبل ان يوصلة الى الدائن فقال :
بالهم ازيح الهم ... وبهمه اهمن
لا صاحب الا شجيه ... وشجيهن المن ..؟؟؟

فأجابه صديق له وهواردئ حالاً منه :

هم التهم هم بيه ... هم هملي حيرة .؟؟؟؟
لا جن بصيرة العين ... واليد كصيرة ...!!!

اجتمع اصدقاء عند صديق لهم وكان مكانه ضيق ولا كنه يسعهم بعسارة فقال له احدهم نحن زاحمناك اليوم .؟؟؟
فقال : خمسين احط عالروح ... لوهمه خلان
الثكَل ثكَل الروح ... مو ثكَل ا لبدان .!!!

سأل شخص فقال :
ارد اسأل العراف ... وهل العدالة
لومصخ ملح الزاد ... شنحط بدالة ...؟؟؟؟

فأجابه اخر :
لومصخ ملح الزاد ... حط ماي العيون
فنهم بعد يفلان ... ما صخ يكَولون !!!

مل شخص من سوء حضه فقال لصديقه :
وين البخت يفلان ...وتكلي مبخوت
رحت اشتغل دفان ...شو محد ايموت ...؟؟؟
فقال له صديقه :
زين البخت وياك ...واصل لهالحد
احفر كَبر للميت ... كَالو عدل رد ...!!!

من طرف **توحه** 2008-02-16, 11:43 pm

حلوه كلش روعه وتسلم الايادي يلا نريد بعد هههههههههههه يسلموو

من طرف **R* Maher** 2008-02-17, 7:58 pm

ههههههههههههههههههه مو تدللين هاي رح اسوي موضوع الخ اكبر مجموعة دارميات لعيونج
وشكرا على مروروك الطيف تسلمين

* دارميات *

* دارميات *

رد: * دارميات *

رد: * دارميات *