قصيدة تخبل دخلوا وموتوا من الضحك!

من طرف Yassir Al-Kaissi 2008-01-07, 12:41 am

السلام عليكم
انصحكم نصيحة شباب دير بالك ثم دير بالك تصارح حدة ترا تهفك واحد ابو13 انج تنكلب منغولي فخلي بكلبك احسن وربي

تعودنة اعلى البواري خوش عادة اليوم
واضنهة الشغلة صارت حيل عاديــــــة
كاشخ اني جاي وبالعجل طبيـــــــــت
وشفتهة كبال عيني تدخل الكليــــــــة
حجيت وياهة اني وكلتلهة معجب بيج
احبج والله احبج وصافية النيـــــــــــــــة
اشو دلغو وجهة وعبست فد نـــــــــوب
وكلت بكلبي جنهة لاصت عليــــــــــة
رزح بعيد كالت ماني بخلك عشـــــاك
اذا انت التحبني اني شعليـــــــــــــة
مو بوري ابو الانج ضربتني ابو الانجين
وضربتني اعلى راسي ضربة حربية
واظن اثر علية البوري كلش حيل
وشفت الناس تركص كلهة جوبية
وبعد الضرية احس الدنيا عوجة وياي
واظن صابتني يمكن هوية شرجية
فتت من العميد كتلة هاي مستر جون
والدكتور كتلة شلونج خالة سعدية
ورحت اعلى الكشك مدري شجاني اليوم
اعاين عالجبس حسبالي شامية
اكبر زوج والله الي يصارح اليــــــوم
واغم كلش اغم اليصارح بنية
تحياتي

من طرف **R* Maher** 2008-01-07, 3:39 am

ههههههههههههههههههههههههههه واللهي تخبببببببببل وين جنت لك هيه بوري بورين خرب بهلعيشة لك صدك زوج اليصارح مو صوجها صوج الي كدر يباع بجهرتها وكلها احبج خخخخ