كرندايزر!!!

استعرض الموضوع السابق استعرض الموضوع التالي اذهب الى الأسفل

default كرندايزر!!!

مُساهمة من طرف Yassir Al-Kaissi في 2008-01-06, 11:45 pm

السلام عليكم شباب بنات شلووونكم هذا اول موضوع الي انشاء الله يعجبكم ترا مو خمط والله g11111g

فد يوم من الايام داسكي ضايج فد نوب و كلبة دا يحترك يريد يصارح هيكارو بس مستحي ضل يفكر شلون شلون شيكول شيحجي فكر زين و حفظ الحجي وراح على هيكارو جان يكلهة : هيكارو عندي شغلة وياج تكدرين تجين للمزرعة الساعة بـ 12 باليل
هيكارو كالتلة: لا عفية ما اكدر عيب اني بنت عرب و عيب هل سوالف وبعدين اني اخاف من ابوية
داسكي كال: يمعودة السالفة مو اكثر من خمس دقايق المهم قنع البنية تجي للمزرعة

والله صارت الساعة 12 جان تجي هيكارو للمزرعة لكت دايسكي

هيكارو كالت: احجي شتريد عل سريع ترة ابوية يفز بليل يتفرج على صحون المنيفو
توة دايسكي دا يريد يريد يصارحهة جان هيكارو تصيح يمة داسكي شوف القمر صاير لونة احمر
(تعرفون من يصير احمر و هل كلاوات مال الكارتون)

جان دايسكي تكول: ولك هوة اني حديقة هسة وكتك يا فيكا الكبير مو توني دا اريد اصارح
بهل اثناء جان يجي دامبي للمزرعة


دامبي كال: ها ولك دايسكي لكفتك اليوم اصمط جد جدك تعال .

جان هيكارو تكول لداسكي : ولك اركض هذه ابوية جلاد هسة يعلسك افلت عيوني


جان يفلت دايسكي و يدردم بينة وبين نفسة لعد اني شكد فكر لا دامبي يرحم ولا فيكا يرحم

جان تدك الساعة مالته هاي الخرافية

اهووووووووووووووو دكتور امون هسة وكتك
المهم فتحة الساعة دايسكي كاله: ها بوية شتريد

امون كال : ولك وليدي ترة صار العلس اربعة بربع قوات فيكا جاي تعلس الناس بالسوك عل هوية

دايسكي كالة : زين ادري كل مرة علية متخابر على كوجي والله بزعتوني
امون كال: انت خابر كوجي و اطلعو سوية اني ماعندي رصيد

دايسكي كال: انت لشوكت تبقة حديقة كال ما احجي وياك تكول ما عندي رصيد
المهم خابر دايسكي كوجي جان يكولة ولك انت وين ترة العلس بالسوك شغلة طيارتك و تعال
كوجي كالة: ادري هسة وكتكم مو دا العب بلي ستيشن 2 وية كورو

دايسكي كالة : ولك هسة وكتهة ولك امشي اني تعبت كل يوم اروح وحدي ولو انت طرطور يجيك صاروخ توكع طيارتك و يجي كرندايزر يشيلك


المهم ضل دايسكي يمشي بالماطور لحد ما جيت من النهر و تحول الى دوق فليد


وجان يطلع من الطريق المعروف طريق رقم سبعة



وحاط صورة هيكارو عل دشبول مال كرندايزر يكول شوكت تصارحج مو راح اتخبل

والله بهل اثناء كوجي وصل للسوك و شاف العالم تتراكض جان يخابر مركز الابحاث كالة عيني هذه الوحش العلاس شسمة

كالولة مركز الابحاث الوحش اسمة (( سجينة ام الياي ))

والله كوجي صار سبع و جان يقصف صورايخ


همة شافو جماعة المنيفو جان يضربون عليه بال بي كي سي وعلكت عليه

و الوحش لازم العالم و علس عل هوية

جان يجي كرندايزر

كالة للوحش انت لو زلمة تعال خلي نطلع عل جول نتعارك مو بالمدينة
الوحش كال: هاي ليش تريد نتعارك
جان كرندايزر يضوج : كالة لعد اني عفت هيكارو علمود شكولك الزفرة و تريدنة ما نتعارك

جان يضربة بالصحن الدوار


جان يصدة الوحش للصحن الدوار
جان يضحك كالة عندي رعد فضاء
والله جان يضربة و يفجر الوحش

جان يجي يشيل فد بنية خطية علسهة الوحش



والله رجع عل سريع جان يصيح هيكارو جان يصارحهة
هيكارو كامت تتفيك براسة : اني ما اسوي علاقة و اني مخطوبة لابن عمي باندا

جان يشيلة دايسكي للبوري و رجع لدكتور امون يركض ويبجي ... ختيه خوووش بروي
avatar
Yassir Al-Kaissi
عضو نشط
عضو نشط

ذكر
عدد الرسائل : 48
تاريخ التسجيل : 06/01/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

default رد: كرندايزر!!!

مُساهمة من طرف R* Maher في 2008-01-07, 3:54 am

ههههههههههههههههههههههههههه حلوة طلعت كلهاحدايق هههههههه

_________________



avatar
R* Maher
Admin
Admin

ذكر
عدد الرسائل : 663
العمر : 29
تاريخ التسجيل : 26/12/2007

معاينة صفحة البيانات الشخصي للعضو http://swamrra.ahlamontada.com

الرجوع الى أعلى الصفحة اذهب الى الأسفل

default رد: كرندايزر!!!

مُساهمة من طرف جريح الاحزان في 2008-01-07, 4:47 pm

ههههههههههه ولك هيه مو بس هيكارو هم اني حديقه
جــــــــــريح الاحزان
وفوكاها بواري اي والله بس اني مو مدير ليش ماعندي ؟؟؟؟؟
هههههه خخخخخخخخخ
تحياتي حبي ادمن
avatar
جريح الاحزان
*** مراقب عام ***
*** مراقب عام ***

عدد الرسائل : 298
تاريخ التسجيل : 27/12/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى